Në sajë të bashkëpunimit me RisiAlbania Fakulteti i Shkencave Sociale po hedh themelet e përgatitjes së këshilluesve të ardhshëm të karrierës. Fakulteti do të jetë në gjendje të ofrojë një program cilësor mbi Këshillimin e Karrierës, pjesë e misionit tonë për zhvillimin shkencor.

Nada Kallçiu

Pedagoge, Fakulteti i Shkencave Sociale

Industria e Shërbimeve të Nënkontraktuara në Shqipëri numëron mbi 80 kompani dhe 25 mijë të punësuar. Tani është momenti të diversifikojmë larminë e shërbimeve, të rrisim prezencën në tregun evropian dhe të lobojmë nëpërmjet shoqatës, për lehtësi fiskale dhe rregulla të ndershme loje.

Arjodita Raboshta

Drejtore Ekzekutive, Unit Center

Bashkëpunimi i AITA me RisiAlbania solli ofrimin e shërbimeve të shtuara dhe forcoi kapacitetet tona si organizatë mbështetëse ndaj biznesit për të zhvilluar shërbimet B2B dhe partneritetet në një mënyrë profesionale, përmes një modeli të qartë biznesi që do të rrisë stabilitetin tonë financiar.

Dritan Mezini

President, AITA

RisiAlbania po na ndihmon të forcojnë kapacitetet tona aktuale dhe të zgjerojmë ofertën. Ne besojmë se falë këtij bashkëpunimi do të rritemi dhe do të pregatisim më shumë të rinj të kualifikuar me aftësitë që kërkohen sot nga tregu i punës dhe që kontribuojnë në punësimin e tyre.

Arber Avdija

Administrator, AA Culinary

Nëse nuk do të ishte investimi i Risi-së, biznesi do të bllokohej. Nuk ishim në gjendje të zgjeronim kapacitetet tona prodhuese dhe të përmbushnim kërkesat e tregut për vajra esencialë. Investimi në distilerinë e re na mundësoi të rrisnin prodhimin, të shisnim më shumë dhe të zgjeronim biznesin.

Emiland Skora

Pronar i MEIA

Shtysë për të themeluar Akademinë e Turizmit dhe Mikpritjes, ishte emisioni “Të reja mbi punësimin” që dëgjoja çdo javë në radion ClubFM. Protagonistët tregonin se sa të vështirë e kishin të gjenin njerëz të kualifikuar në sektorin e turizmit. Prej këtej mori jetë ideja për Akademinë, ku trajnojmë të rinjtë.

Gladiola Dona

Akademia e turizmit dhe Mikpritjes

Unë kam arritur këtu ku jam sot, në sajë të nivelit të lartë profesional të kurseve në ALMOOC. Ato shërbyen si një portë suksesi për mua dhe do jua rekomandoja të gjithë atyre që duan të thellojnë njohuritë profesionale në sektorin e Teknologjisë së Informacionit.

Iva Kërtusha

Pedagoge e jashtme, UPT

Menduam të kombinonim në një paketë të vetme natyrën dhe botën e egër. Krijuam të parin produkt turistik të Vrojtimit të Zogjve dhe Kundrimit të natyrës në Shqipëri. Këto ture të reja turistike afrojnë njerëzit me natyrën, ndihmojnë në zhvillimin ekonomik të zonës dhe krijojnë vende të reja pune.

Taulant Bino

Shoqata Ornitologjike e Shqipërisë, AOS

Ka ende shumë paragjykime ndaj inxhiniereve femra të programimeve, por nuk e imagjinoni dot se sa shumë vajza atje jashtë, janë të interesuara të ndjekin kurset e kodimit duke zbrapsur mitin se sektori Teknologjisë së Informacionit dhe Komunikimit, TIK është veç për meshkuj.

Romina Shqypi

ALMOOC Cloud Zone