Projekti i mbështetur nga SDC për punësimin e të rinjve në Shqipëri, RisiAlbania, i zbatuar nga Helvetas, po mbështet aktorët e turizmit duke përdorur një qasje nga poshtë-lart (kërkesa e sektorit privat për standarde dhe certifikim) dhe një qasje nga lart-poshtë (institucionet publike që rregullojnë sistemin dhe krijojnë një klimë dhe kuadër të favorshëm për standardet dhe certifikimet e turizmit të qëndrueshëm).

Sektori privat (anët e kërkesës dhe ofertës): Gjashtë operatorët e parë turistikë në Shqipëri kanë prezantuar standardet e turizmit të qëndrueshëm dhe kanë arritur certifikimin nga organet e njohura ndërkombëtarisht, të cilat janë të akredituara nga GSTC. Tetë ofrues shërbimesh dhe konsulentë shqiptarë kanë filluar procesin për t'u bërë auditorë të njohur nga GSTC. Ata kanë marrë pjesë në kursin e Auditorit GSTC dhe kanë kaluar provimin.

Institucionet publike: Ministria e Turizmit dhe Mjedisit e Shqipërisë ka nënshkruar një Memorandum Mirëkuptimi me GSTC për të krijuar kuadrin dhe kushtet për përhapjen dhe prezantimin e mëtejshëm të standardeve dhe certifikimeve të turizmit të qëndrueshëm GSTC në Shqipëri.