Pajisja e të rinjve me aftësitë që kërkohën nga sektorët e Teknologjisë së Informacionit dhe Komunikimit, Turizmit dhe Agrobiznesit është një nga sfidat që RisiAlbania po adreson duke punuar me ofruesit privatë të trajnimeve. Një element kyç për projektin është krijimi i Komiteteve Sektoriale të Aftësive, për të cilat Risi ka bashkëpunuar ngushtë me Task Force ndërinstitucionale të KSHK për hartimin e modelit dhe pilotimin e tij për një sektor ekonomik.

Përfundimi dhe përfundimi i kornizës nënligjore për krijimin e komitetet sektoriale dhe pilotimin e një sektori janë thelbësore për suksesin e projektit dhe kanë hapur terrenin për përparim të mëtutjeshëm. Për këtë qëllim, RisiAlbania ka synuar të zhvillojë kapacitetet e Task Force, përmes ekspozimit ndaj praktikave bashkëkohore dhe të vazhdojë më tej me pilotimin në një sektor ekonomik.

Plotësimi i kuadrit nënligjor për ngritjen e komiteteve sektoriale, dhe pilotimi në një  sektor janë detyra kyçe për suksesin e këtij procesi.  Për këtë arsye, RisiAlbania ka synuar edhe zhvillimin e kapaciteteve të Task Forcës për KSHK përmes ekspozimit drejt praktikave bashkëkohore, për të vijuar më pas me pilotimin në një sektor ekonomik.

Për këtë qëllim RisiAlbania në bashkëpunim me Agjencinë Kombëtare të Arsimit, Formimit dhe Kualifikimit Profesional, organizuan një vizitë studimore me përfaqësuesit e Task Force për Komitetet Sektoriale të Aftësive, në Lisbonë, Portugali, në 17 - 21 Shtator për të shkëmbyer dhe studiuar nga afër modelin portugez, i cili është rekomanduar nga ekspertët e ETF si i ngjashëm me modelin e zhvilluar për vendin tonë.

Task-Force drejtohet nga Zëvendës Ministri i Financave dhe Ekonomisë Znj. Dajna Sorensen dhe përfaqësohet nga disa institucione, si Ministria e Turizmit dhe Mjedisit, Agjensia Kombëtare të Arsimit, Formimit dhe Kualifikimit Profesional, Shkolla Kombëtare e Mikpritjes dhe Turizmit , Universiteti i Tiranës, Shoqata Shqiptare e Turizmit dhe Dhomat e Tregtisë të cilat u njohën me rolin dhe funksionin e komitetit sektorial të turizmit, të identifikuar si sektori ekonomik prioritar nga Qeveria shqiptare.

Anëtarët e Task Force patën mundësinë për të takuar dhe për të shkëmbyer përvojat dhe sfidat që hasin me përfaqësuesit e Ministrisë së Punës, Solidaritetit dhe Sigurisë Sociale në Portugali, Konfederatës së Biznesit Portugez, Agjencisë Kombëtare të Kualifikimit dhe AFP; Instituti për Punësim dhe Aftësim Profesional; Shoqata për Trajnime në industri; Agjensia e Turizmit në Portugali; Konfederata Portugeze e Tregtisë dhe Shërbimeve (CCP) dhe Unioni i Përgjithshëm i Punëtorëve.

 Përfaqësuesit e grupit të punës u informuan për modelin Portugez dhe e konsideruan të vlefshëm në identifikimin e praktikave më të mira që mund të përshtaten me modelin shqiptar. Hapat e mëtutjeshëm do të pasojnë vizitën për të filluar procesin e pilotimit. Vizita studimore u organizua nën orientimin e Organizatës Evropiane të Trajnimit dhe mbështetjen e Agjencisë Kombëtare Portugeze për Kualifikim dhe VET.