Turizmi është një nga sektorët premtues përsa i përket rritjes ekonomike në Shqipëri. Këshilli Boteror i Udhëtimeve dhe Turizmit (WTTC) e vlerëson kontributin direkt të këtij sektori në 6% të punësimit të përgjithshëm në Shqiperi deri në vitin 2025. Ndërkohë, numri i vizitorëve në Shqipëri po rritet në mënyrë të vazhdueshme sikundër edhe të ardhurat e gjeneruara nga udhëtimi dhe turizmi në vend. Ndërhyrja e projektit RisiAlbania në sektorin e turizmit synon të mbështesë bizneset turistike për të zhvilluar dhe krijuar më shumë vende pune për të rinjtë.